Author: Jovita Eke

Tori say Nottingham Forest and Olympiakos owner wey be Evangelos Marinakis don test positive for coronavirus.

Floyd Mayweather believe say na heavyweight boxer wey nobody know go soon end Anthony Joshua and Tyson Fury dominance  for the division.

Tori say Police for inside Paraguay don hold b4 b4 Brazil forward wey be Ronaldinho sake of say e use fake passport take enter the country.

Anthony Joshua believe say the battle wey Tyson Fury bin  battle with depression and mental health issues helep improve im mentality as the fighter wey e be.

Tori say Chelsea winger wey be Willian  don reject the club latest contract offer of two-year extension as e dey try hold out for three years own.

UEFA don come out to announce say na Russia go host the 2023 Super Cup even though say the World Anti-Doping Agency (WADA) don tok say dem no recommend make dem allow the nation to host major competitions dem.

Floyd Mayweather get confido say The bronze bomber wey be Deontay Wilder go revenge against Tyson Fury if e go fit allow am train am for the third fight.

Tori wey dey say Ludogorets Players bin wear face masks and protective gloves as dem waka enter inside Italy to face Inter for the Europa League gbege.

Five-time Grand Slam champion wey be Maria Sharapova don say bye bye to tennis at the age of 32.

Anthony Joshua promoter wey be Eddie Hearn tok say im go do everything wey dey im power to make sure say im arrangee unification fight with Tyson Fury sake of say everybody wan see the fight.