Author: Jovita Eke

B4 b4 UK Athletics chairmo wey be Ed Warner tok say im bin try convince Mo Farah to leave im now disgraced ex-coachila wey be  Alberto Salazar for 2015.

Liverpool oga wey be Jurgen Klopp tok say skippo wey be Jordan Henderson go miss reach like three weeks sake of the hamstring wound wey e get.

Aproko wey dey say dem don charge PSG presido wey be Nasser Al-Khelaifi in connection say e bin stretch hand for back to carry bribe the b4 b4 FIFA secretary general wey be Jerome Valcke.

Tori say Roger Federer go miss the next three months of the season after e do operation ontop im right knee.

Aproko wey dey according to the promoter Frank Warren tok say one agreement don already dey on ground for third fight between Tyson Fury and American wey be Deontay Wilder.

Tori say b4 b4 Manchester United and Northern Ireland goalkeeper Harry Gregg,wey dem bin salute as the hero of the 1958 Munich air disaster don kpuff o at the age of 87.

Erling Haaland don come out to carry explain wetin make am decide for im mind to chose Borussia Dortmund instead of Manchester United for January, as e reject claims say im bin dey ask for big kpogiri salary when dem bin dey negotiate.

Na me win but…. One week after their gbege Dominick Reyes don come out to insist say true true im kpokpo Jon Jones for UFC 247 after the judges’ controversial decision as e dey bid for another match against the champion. Jones try come successfully defend im UFC light-heavyweight title last weekend for inside contentious bout against im fellow American for inside Houston. Like play like play dem bin declare say na Jones kpake the bout after a five-round epic,as dis one ginger am to still hole tight to im light-heavyweight belt wey e kolobi via the…

Egypt don confirmento their plans to name Liverpool star wey be Mohamed Salah for their squad wey go play for dis summer Olympic Games wey go shele for inside Tokyo Japan.

B4 B4 Sporting Lisbon manager wey be Carlos Carvalhal don carry warning samma Manchester United say make dem play Bruno Fernandes as box-to-box midfielder to carry bring out im skills wella instead of to play am for the No 10 role.