With all the Racism Kasala wey don yakpa dey happen for World of football so, b4 b4 Naija international wey be Taribo West don open mouth yarn say no be today e don dey happen, say wen e dey playback in the days e even worse pass today.
E say at least now players get people wey dey help dem fight this gbege wey wan spoil football but back then, nobody dey fight for black players.
As e dey now black players for world don unite say dis racism thing dem must to find solutions, some organization’s sef don enter the matter and the World governing join bodies like FIFA, UEFA etc don join the fight so that everybody no matter your Color, Race, Religion or even sexual preference go enjoy the game.
E never too tey wey some England black players like Callum Hudson Odoi, Danny Rose and Raheem Sterling suffer am.
Dele Alli, Pierre Emerick Aubameyang, kalidou Koulibaly, Troy Deeney, Mario Balotelli, Kevin Prince Boateng, Mesut Ozil, and many more don be Victims of racist abuse dem.
Even Many Naija players for different leagues for world don experience am at one point or another.
Taribo come yarn how him too take suffer the same thing wen e bin dey play ball for Italy. E say racism don even reduce now pass b4 when Im bin dey play.
E say where e bad reach, the only place wey Im dey go wey dem no dey racially abuse am no wen im team play for their home ground wey be San Siro, e say apart from that na everywhere wey im play for Italy im dey suffer am.
According to West, e say Racism yakpa for Germany followed by Italy, then England and other places but e say e no too dey for France.
Racism dey come in different forms, some na through social media , some for field of play, even players dey racially abuse their opponents, some na from wetin dem write or too and so on.
If you use the quotes from this content, you legally agree to give www.brila.net the News credit as the source and a backlink to our story. Copyright 2020 Brila Media.