I wan more chance to play – Zaki

I wan more chance to play – Zaki

One player wey no happy as e dey so na Godwin Zaki wey dey strike for Enugu Rangers as aproko wey dey say the player no like as im no dey get chance to ginger im swagger for the Flying Antelopes for the naija Professional football league.

The striker say im happy as strikers wey get chance play dey helep the team and im go continue to do im best to make sure say im sef contribute im own quota to the team.

 


The flying Antelopes dey ginger wella as dem get 31 points from the 16 games wey dem don play so far for the Group A of the NPFL, na one game dem don lose from 14 league matches.

 

Based on the kine form wey the team dey now e be like say dem go kolobi their 8th title wen season end. Already the Enugu base club don fall yakata como from the Caf Confederations cup so dem go wan kolobi at least the title for house and from there maybe qualify for continent again join.

 

Tori say both the management and the state government dey try to make sure say the team happy and dey the right frame of mind to continue to dey bring better result come.

 

Zaki hope say more chance to play go present imself as im ready to show im ginger anytime coach Gbenga Ogunbote give am chance.

COMMENTS

WORDPRESS: 0
Comodo SSL SiteLock