Barca starman wey be Lionel Messi don kolobi im number six European Golden Shoe and na the 36 La Liga goals wey e score for the Spanish Champions helep am kpake am and comot small boy wey dey play for PSG Kylian Mbappe for the setting.
Golden shoe na the award wey dem dey carry give player wey score pass others for any of Europe top-flight leagues den and na the third consecutive year wey Messi go win am be dis.
Mbappe bin need to score five goals for PSG Life 1 final match to take collect am but na only one goal the Frenchman manage score for the 3-1 Tamara falling for Reims.
Mbappe finish the season on top 33 goals while Messi finish on top 36 goals wey come in 29 starts for I’m team Barcelona. Cristiano Ronaldo wey win the award last for 2014/2015 season finish on top 21 goals for im first season for Italy.
Dis award wey Messi collect now don make am get more Golden Shoes pass Ronaldo.
If you use the quotes from this content, you legally agree to give www.brila.net the News credit as the source and a backlink to our story. Copyright 2020 Brila Media.