Deontay Wilder don come out to describe himself as the “hardest hitter wey dey inside boxing” after e knock Luis Ortiz down for the seventh-round for inside Las Vegas on Saturday.
Na the Cuban bin dominate the first six rounds, but come fall yakata for ground after Wilder stunning right hand.
This one come helep am retain the WBC world heavyweight title with im 42nd win from 43 fights, and 41 of those fight na by knockout.
Wilder don successully defend im WBC belt wey e bin hold since January 2015 for 10 times.
The only fight wey e try but no fit win for im career na the draw soup with Tyson Fury for Los Angeles or the December of 2018. Even then sef e still put Fury ontop beating for the ninth and the final round.
COMMENTS