Naija international wey be Peter Olayinka fit miss Slavia Prague waka go London next week for the second leg of their Europa League quarter final kasala with Chelsea sake of say yellow card matter.
As e dey so the striker dey play safe to take avoid to collect im number 3 yellow card for the competition wey fit see am go suspension.
Na against Bordeaux e first collect im first yellow for the Europa League, then e come collect another one eleven minutes after dem introductory am for the gbege against Sevilla last month.
According to wetin UEFA yarn ‘all yellow cards dey expire after dem finish the quarter-finals and dem no dey carry am over enter the semi-finals.
The Naija international get hand for Slavia Prague last seven kasalas for the Europa League. E don appear five times from the bench.
Na for 21 July 2018, Slavia Prague bin kolobi Olayinka ontop four-year contract from KAA Gent for kpogiri wey reach €3,200,000.
Tori say Olayinka fit be the first foreign player wey go play for the Albania national football team as e yarn say if e fit get the Albanian passport why not if not.
If you use the quotes from this content, you legally agree to give www.brila.net the News credit as the source and a backlink to our story. Copyright 2020 Brila Media.