The Skippo of NNL side Kogi United Musa Stephen yarn say im side work hard to carry ready for the chacha season wey go soon start for the Nigeria National League.
E say him and im teammates dey aim dis coming season so na to kpake promotion enter the NPFL and dem don dey work hard to make sure say dem achieve am.
E say the Koko dis season na to get promotion wey then carry the team go the highest level wey be to play continental football. According to Musa, since coachee Tunde Abdulrahman don resume, the team dey train and do well and the entire team dey work together to give am the support wey e need to do im work well.
Ontop improvement level, the Kogi skippo tok say with the kine supports wey the chairmo and the Governor dey give dem, financially dem no dey do too bad and e go go along way to heleping dem kpake the target wey dem don set for the upcoming season.
If you use the quotes from this content, you legally agree to give www.brila.net the News credit as the source and a backlink to our story. Copyright 2020 Brila Media.