Tori say dem don sack Mark van Bommel as the head coachee of PSV Eindhoven after e kolobi two wins for the eight games wey im team play for the Dutch Eredivisie.
PSV dey fourth for the league, 10 points for the back of leaders Ajax, and dem bin lose 3-1 give Feyenoord on Sunday.
B4 b4 Barcelona and Netherlands midfielder Van Bommel, 42,wey kpake four league titles wen e bin dey play for PSV, bin replace Phillip Cocu for June 2018.
The club tok say the continuous series of bad bad results na carry the team go back and say PSV no deserve am. Dem never still announce who go temporarily replace Van Bommel.
COMMENTS