Real Madrid don send smallie Martin Odegaard out ontop loan waka again go Real Sociedad for the 2019-20 season.
The Spanish giants don confirm the news and dis one go be Odegaard third loan waka for Madrid since im waka come the club for 2015.
Since im move four years ago, Odegaard don go loan waka for Heerenveen, before e come spend small time for fellow Dutch side Vitesse. Odegaard bin join the Spanish giants as one of the hottest talents wey dey the world football and many bin dey expect am to blow but e no gree blow.
Na only two times e don play for Madrid first-team since e move come Spain from Norwegian club Stromsgodset.
E bin shine wella when e bin dey ontop loan waka for Vitesse last season, as e score 11 goals come create 12 assists, and e go dey hope to show Real wetin dem dey miss when e go shine for in La Liga with Real Sociedad.
If you use the quotes from this content, you legally agree to give www.brila.net the News credit as the source and a backlink to our story. Copyright 2020 Brila Media.