Tori say the Senegalese Football Association presido wey be Augustin Senghor don confirm say the Teranga Lions go jam the Super Eagles of Nigeria for inside friend friend game as dem dey ready for the 2019 Africa Cup of Nations for inside Egypt.
Na last week Nnayi ukwu Gernot Rohr bin tok after the draw for the competition say im side go play two warm up matches against Ghana and Senegal before the tournament proper friendlies.
According to Tori , both Senghor and presido of Naija Football Federation Amaju Melvin Pinnick don jam to discuss all the modalities wey concern the friend friend fixture and dem dey eager for the game to shele.
Head coachee of the Terangha Lions Aliou Cisse and Rohr dey for the meeting.
The two coaches go later jam to take decide where the game go shele and other important details dem.The Super Eagles go face Guinea, Madagascar and Burundi for Group B.
While Senegal go gbege the Desert Foxes of Algeria, Tanzania and Kenya for Group C.
If you use the quotes from this content, you legally agree to give www.brila.net the News credit as the source and a backlink to our story. Copyright 2020 Brila Media.