Serena to jam sister Venus

Serena to jam sister Venus

Serena Williams don make winning return from the injury wey she get as she kpokpo Swedish qualifier Rebecca Petersen 6-4 6-2 to take advance enter the second round of the Italian Open clay-court tournament on Monday.

Williams never play any match since she kpokporise Petersen for the second round for the Miami Open for March before e come comot hand sake of the knee injury wey e get.


The 23-time Grand Slam winner wey rank 11th come still withdraw from Indian Wells for March as she fall sick that period. Serena make some kine unforced errors but that one no stop her to kolobi victory against her opponent wey rank 58th for world.


Williams na four-time Rome winner and the last time wey she kpake for the red clay for the Foro Italico for 2016.She go now play her senior sister wey be Venus wey use wild card enter the tournament wey she win for 1999. Venus beat Belgian Elise Mertens 7-5,3-6,7-6 (7-4) for the second round.


Serena and Venus go jam for inside Rome and dis one go be their first meeting ontop European clay for nearly 17 years. Their last meeting ontop red clay come for the 2002 Roland Garros final.


Serena Williams dey ready for the French Open later this month, where she fit match Margaret Court record of major singles titles.

If you use the quotes from this content, you legally agree to give the News credit as the source and a backlink to our story. Copyright 2023 Brila Media.


Comodo SSL SiteLock
WP Twitter Auto Publish Powered By :
error: Content is protected !!