Kenyan defender wey be Eric Ouma yarn say Harambee Stars go dey move forward dey go after the Africa Cup of Nations (Afcon) experience wey dem get.
Harambee Stars bin dey appear for the first time for the finals after 15-years wait and dem fail to make am past the group stages for Egypt after dem finish third for group wey Algeria, top and Senegal come second.
Ouma wey dey play for Swedish club Vasalund, insist say the team try their best and go use the experience wey dem gather from Afcon for future assignments.
Kenya begin their Afcon with 2-0 kondo yakata falling against Algeria, but dem recover to kpokpo Tanzania 3-2 before Senegal come waya dem 3-0 kondo.
As e dey so Harambee Stars don focus their mind go the African Nations Championship (Chan) competition where their home-based players go jam Tanzania for inside two-legged qualifier later for July.
The first leg go shele between July 26 and July 28 and the second leg go shele for August 4 for Nairobi.