Nobody touch me – Referee Maguette Ndiaye

Nobody touch me – Referee Maguette Ndiaye

Senegal Referee wey be Maguette Ndiaye wey dey middle for the Car confederations cup semi-final second leg Kasala between CS Sfaxien and Red Berkane don come out to you say no player/s attack am after the gbegerism finish for Morocco for weekend.

Tori wey dey say visiting players,  fans and officials den bin para, provoke come attack the officials with wetin resemble bottles and other objects den after Berkane overturn a 2-0 kondo first-leg deficit to kolobi the kasala 3-0 kondo.


But the ref wey the matter concern don carry two hands up say no be im dey the video wey show say dey Sfaxien players dey hassle am , e say na im second assistant dem bin attack.


Aproko wey dey say CAF don shok their gbejero eyes put to know wetin happen gangan after the video dey show everywhere say one Ref Don collect one blow two Akpu.


Na goals wey striker Kodjo Fo-Doh Laba, Omar Nemssaoui and Issoufou Dayo bin score for the first half helep the team from Morocco stroll enter the final, where den go jam head with SC Zamalek of Egypt.


Dem go play the First leg on May 19 for Berkane, while the second leg go shele for inside Alexandria seven days after.

If you use the quotes from this content, you legally agree to give the News credit as the source and a backlink to our story. Copyright 2023 Brila Media.


Comodo SSL SiteLock
WP Twitter Auto Publish Powered By :
error: Content is protected !!