Before b4 Arsenal player and Ajax oga Marc Overmars don come out to tell Arsenal say make dem offload Mesut Ozil go kolobi Hakim Ziyech for half the price sake of say e better pass the German but Arsenal no gree hear im advice.
Transfer yarn don continue to dey circulate around German playmaker Ozil for north London.
Ever since Ozil waka come London na so so questions dey about im value to the Arsenal cause and Whether e go fit inside the system wey Gunners oga Unai Emery dey use.
Overmars wey play under Arsene Wenger for the Premier League, believe say im get the solution to the transfer thing.
Overmars na the director of football for Ajax and e believe say im work with one player wey fit be better kolobi for Arsenal ontop sporting and financial level.
Overmars say Ziyech na better player wey don contribute 21 goals and 24 assists to Ajax waka last season.
COMMENTS